एजेन्सी : असोज २४, इरानको तेल ट्याङ्करमा मिसायल आक्रमण भएको छ । मिसायल आक्रमणपछि तेल ट्याङ्करमा आगो लागेको इरानी सञ्चारमाध्यमले जनाएका छन् । यो आक्रमण साउदी अरबको समुद्री तट जेद्दा बन्दरगाह नजिक इरानी तेल कम्पनी एनओआईसीको तेल ट्याङ्करमा भएको बताईएको छ ।
तेल ट्याङ्करलाई दुइटा संदिग्ध रकेटले निशाना बनाएको कतारी समाचार संस्था अलजजिराले जनाएको छ । आक्रमणबाट ट्याङ्करको दुइटा भण्डारमा क्षति पुगेको छ, जसका कारण तेल लाल सागरमा फैलिएको छ । आक्रमणबाट मानिसहरुलाई भने कोही पनि नभएको जनाइएको छ ।
गएको महिना १८ ओटा ड्रोन र सात ओटा क्रुज मिसाइलद्वारा साउदी अरबको महत्वपूर्ण तेल प्लान्टमा आक्रमण भएको थियो । यो आक्रमणको आरोप इरानमाथि लगाइएको थियो । यसअघि पनि मे महिनामा चार ओटा तेल ट्याङ्करमा आक्रमण भएको थियो । यद्यपि इरानले भने आफूमाथि लागेको आरोपको खण्डन गर्दै आइरहेको छ ।
प्रतिकृया दिनुहोस्