Thursday, April 22, 2021

कोरोनाको तेस्रो लहर : पेरिसमा एक महिना लकडाउनको घोषणा

काठमाडौं : फ्रान्समा कोरोनाभाइरसको तेस्रो लहरको कारण राजधानी पेरिसमा एक महिना लकडाउनको घोषणा गरिएको छ । पेरिसका साथै देशका १५ अन्य क्षेत्रमा शुक्रबार मध्यरातदेखि लकडाउन लागू गरिनेछ । फ्रान्सका प्रधानमन्त्री जीन केस्टेस्कले अहिलेको लकडाउन पहिलेको जस्तै कडा खालको नहुने बताएका छन् । फ्रान्समा पछिल्लो २४ घण्टामा ३५ हजार जना नयाँ संक्रमित फेला परेका छन् । प्रधानमन्त्रीका अनुसार देशमा कोरोनाभाइरसको तेस्रो लहर तीव्ररूपमा अघि बढिरहेको छ ।

स्वास्थ्यमन्त्री ओलिभर वेरनका अनुसार पेरिसमा स्थिति निकै खराब बन्दै गइरहेको छ । त्यहाँ १२ सयभन्दा बढी आईसीयूमा भर्ना भएका छन् । गत वर्षको नोभेम्बरमा योभन्दा आधा संख्यामा मात्र बिरामी भर्ना भएका थिए । नयाँ लकडाउनमा अत्यावश्यक बाहेकका काम बन्द गरिनेछ तर स्कूल भने खुला राखिनेछ । वैध कारण बाहेक मानिसहरुले देशका एक ठाउँबाट अर्को ठाउँसम्मको यात्रा गर्न पाउने छैनन् । यद्यपि, ६ माइलको दायरामा भने उनीहरु आवतजावत गर्न पाउनेछन् ।

सम्बन्धित समाचारहरु

LEAVE A REPLY

Please enter your comment!
Please enter your name here

- Advertisment -

ताजा समाचार