Friday, July 30, 2021

लुम्बिनीका कोरोना अस्पताललाई १ करोड ७५ लाख बजेट

बुटवल । अस्पतालमा अक्सिजनयुक्त बेड अभावमा कोरोना संक्रमितले उपचार नपाएपछि चौतर्फी आलोचित बनेको लुम्बिनी प्रदेश सरकारले चारवटा कोरोना विशेष अस्पताललाई एक करोड ७५ लाख रुपैयाँ बजेट दिने निर्णय गरेको छ । प्रदेश सरकारले एक वर्षअघि नै कोरोना विशेष अस्पतालहरुमा एचडीयू बेड थप्ने निर्णय गरेपनि कार्यान्वयन नहुँदा संक्रमितले उपचार पाउन सकेका छैनन् । कोरोना उपचार तथा रोकथाम कोष निर्देशक समितिको बैठकले बुटवलको लुम्बिनी प्रादेशिक अस्पताल, दाङको बेलझुण्डीस्थत अस्पताल र भेरी अस्पताल नेपालगञ्जलाई ५० लाख रुपैयाँका दरले र भैरहवास्थित भीम अस्पताललाई २५ लाख रुपैयाँ उपलब्ध गराउने निर्णय गरेको हो ।

यो बजेट अन्य शीर्षकबाट रकमान्तर गरी यथाशीघ्र उपलब्ध गराउने निर्णय भएको सरकारका प्रवक्ता एवं आन्तरिक मामिला तथा कानूनमन्त्री बैजनाथ चौधरीले बताए । उनका अनुसार सम्बन्धित मन्त्रालयले एक दुई दिनमै उक्त बजेट उपलब्ध गराउने छ । यस्तै कोरोना रोकथाम तथा उपचार कोषमा प्रदेश सरकारले १० करोड रुपैयाँ थप गर्ने निर्णय पनि गरेको छ । प्रदेश स्वास्थ्य निर्देशनालयका अनुसार प्रदेशमा औसत दैनिक ७ सयजना कोरोना सक्रमित थपिंदै गएका छन् । हाल उपचाररत करिब २ सयजना संक्रमितमा गम्भीर स्वास्थ्य समस्या देखिएका छ । लुम्बिनी प्रदेशका ७ वटा निजी अस्पतालले ३३४ बेड कोरोना संक्रमितको लागि छट्टाएको भनेपनि उपचारको लागि बेड उपलब्ध गराएका छैनन् ।

सम्बन्धित समाचारहरु

LEAVE A REPLY

Please enter your comment!
Please enter your name here

धेरै हेरिएका
- Advertisment -

ताजा समाचार