Monday, May 17, 2021

ब्रोइलर कुखुराको मासुको भाउ घट्यो

काठमाडौं । उच्च मूल्य वृद्धिको रेकर्ड बनाएको ब्रोइलर कुखुराको मासुको भाउ घट्न थालेको छ । यो साता मात्रै दुई पटक गरेर किलोमा ३० रुपैयाँले कुखुराको तयारी मासुको भाउ घटेको राष्ट्रिय कुखुरा बिक्री व्यवसायी संघले जनाएको छ । बैशाख १२ गते किलोमा १० रुपैयाँले घटेर तीन सय रुपैयाँमा झरेको जिउँदो कुखुराको कोल्ड स्टोर मूल्य मंगलबार पुनः १० रुपैयाँले घटेको संघका सचिव देवकुमार गिरीले बताए । मंगलबारको नयाँ मूल्य अनुसार ब्रोइलर कुखुरा जिउँदोको कोल्ड स्टोर मूल्य २९० रुपैयाँ तोकिएको छ ।

जिउँदो कुखुराको मासुको भाउ घटेसँगै बुधबारदेखि काठमाडौं उपत्यकामा ब्रोइलर कुखराको तयारी मासुको मूल्य चार सय रुपैयाँमा झरेको संघका अध्यक्ष जंगबहादुर बीसीले बताए । ‘वैशाख १२ को मूल्य गिरावट पछि मासुको मूल्य प्रतिकिलो ४१५ रुपैयाँमा झरेको थियो । बढ्दै गएको कोभिड महामारीका कारण मासुको खपतमा उच्च गिरावट आएको र त्यसैको असर बजारमा परेको उनले बताए । होस्टलहरु बन्द हुनु, राति अबेरसम्म रेष्टुरेन्ट तथा होटल सञ्चालन हुन नपाउनु जस्ता कारणले बजारमा प्रभावित भएको बीसीले बताए ।

सम्बन्धित समाचारहरु

LEAVE A REPLY

Please enter your comment!
Please enter your name here

- Advertisment -

ताजा समाचार