काठमाडौं : कार्तिक ४, प्रधानमन्त्री केपी शर्मा ओलीले सोमबार नागढुंगा सुरुङमार्गको शिलान्यास गरेका छन् । सुरुङमार्गको सिलन्यास गर्दै प्रधानमन्त्री ओलीले अब नेपाल सुरुङमार्गको नयाँ युगमा प्रवेश गरेको बताए । साथै समयमै सुरुङमार्ग निर्माण हुने विश्वास व्यक्त गरे ।
उनले भने, अब हामी मात्र साढे ३ वर्ष पर्खिनुपर्छ । त्यसपछि हामीले एउटा गीत हेरेका हौंला, काठमाडौंबाट यसो छिरेर उता हेटौंडा निकालेको देखाउँथ्यो । उताबाट छिरेर उता निक्लेको त ४२ महिनापछि भइहाल्छ ।
टोखा–छहेर, बेत्रावती–स्याफ्रुवेशी सुरुङमार्गलाई पनि अगाडी बढाउन लागिएको उनले बताए । प्रधानमन्त्री ओलीले आफ्नो सरकारको पालामा इतिहासमा कहिल्यै नभएका काम भएको दाबी गरे । १६०० किलोमिटर त सडक कालोपत्रे मात्र गरिएको, २४३ पक्की पुल र दुई सय हाराहारी झोलुंगे पुल बनेको बताए ।
प्रतिकृया दिनुहोस्